| 大家一定會諗: 點解我去左日本都唔寫 xanga...? 原因係因為我實在太懶, 同埋對住部慢到死的電腦, 我真的沒有咩心機....懶就懶啦.....不過, 我諗 lee 篇 xanga 將會係我有史以黎寫得最長的一篇! 希望大家會有耐性去睇啦! =) 2007年1月10日 今日係出發的第一天, 我要 7 點到 HKIA, then 我 5 點就起左身, 尋晚因為緊張同興奮既心情而訓唔著, look 黎 look 去....我起身的一刻並不太眼訓, 而我亦比原定的時間早起左, 我彈左起身, check下有無帶漏野, 其實尋晚已經 check 左, 不過最後都睇多幾次....老豆因為番通宵既關係, 佢早 d 起身陪我地拖車落九龍灣等車, 天都未光, 我地就好嘈咁拖車落去= =...真係好鬼嘈, 破壞左寧靜的氣氛, 真係嘈到連講野都要講幾次至聽到.....之後 E22 好快就黎左....我地上左車, 放好行李, 就找位坐....之後我就 send mess 俾 Darby....用盡我的心血去諗一封又精簡又能表達出我用口講唔出的 mess.....真係好好.....交代好一切後我就開始呆坐, 我發覺我並唔眼訓, 所以就四周圍望, 聽下人地d鼻寒聲, 正常人咁早既時間應該在這個長途車程去眼一陣, 但我眼光光咁又到左 HKIA..... then 落車, 拖去集合地點.....見到 Elsa 姨... 我有時唔明點解要晨咁早去到 HKIA 等....check in 左後就一直等, 等到夠鐘上機為止....仲有一個鐘頭多 d, 我地去左食早餐, 因為我根本無食到早餐....我地諗呀諗....梗係去左大家樂啦!!!原來入左閘後係會有大家樂既存在! 我感到很開心, 因為唔洗食其他貴野!! lee間大家樂同出面的 price 真係差唔多, 咁我就食得好安心喇.....終於要上機喇....我入左機倉, 個個空姐同工作人員都 welcome 我地, 我覺得好開心, 因為佢地好親切同 nice....梗係啦....有俾 $ 嫁 wor...haha....我找到自己的位坐下了....我扣上安全帶, 很緊張的望著 window, 等著飛機的開出...飛機慢慢的滑行, 點解我 lee 度要寫得咁詳細呢? 因為我好耐無搭過飛機了, 以前係細細個時搭過, 無咩記憶....所以就特別講下了.....飛機上升了! 我的感覺是: 我的耳有嗚嗚聲和有點不舒服, 但一起飛的時間, 我有種很過癮的感覺! 點解? 就好似玩緊過山車咁, 有種飛起的感覺! 我開始回想起之前看過木村的 "夢想飛行 Good Luck" 一路想著木村要當一個機師的心情....他喜歡飛翔的感覺, 望著藍天和雲海, 這些都能帶給他滿足感和快感! 我一直很好奇的望著 window 外....香港變細了, 原來一直到那麼的細....之後再飛上雲層, 陸地都看不見了, 只見到雲海! 一大片白色的雲令我感到很舒服和興奮! 令我更享受整個飛機的旅程....我影了幾張相, 我不眼訓, 一直想要看著外面的景色....那一刻, 我好像明白了劇中的木村為何每一次都會這麼的嚮導飛行...心中一直想著劇中的主題曲, 很有鬥志....我很喜歡太陽+雲的配搭, 真的很美很美.....之後, 我就坐在位子看電視了, 我見到有 "小魚仙", 所以我立即的睇了, 從來沒有真正的看過一次 "小魚仙", 所以這次能看, 我感到更加的完美! 看完後, 我小睡了一會....之後就看見我們就到達日本了, 終於看到日本的島嶼了!!心中更是興奮, 從遠處看, 日本的房屋很有條理和每間屋後都會有至少一塊田, 他們的堅很整齊, 從空中看, 他們的房屋美得就像模型一樣! 我不敢相信....真的不相信....= = 落了機, 排隊去出閘, 我很希望走出機場看看, 感受日本的氣色....check out了....我們到了東京的成田機場.....看到了很多日文字, 不禁又興奮起來.....我們影了幾張相, 之後就上了旅遊巴, 衰衰的導遊ricky哥哥沒有等我們= = 結果跑來跑去又找我們....無奈....好彩最後都齊了人...不過要這麼多人等我們, 我有點不好意思....上車後, ricky 開始講廢話了....我開頭時沒有多理會他, 因為我顧著看外面的景色和影相....我無啦啦的看到出面有 "全日空" 三個字就立即影相, 好彩影到者,哈哈!!! 因為 "全日空" (ANA) 係 "夢想飛行Good Luck" 入面的航空公司! XD 其實到了成田機場上了車已經是 2 點多了, 我們回酒店又要 3, 4 個小時, 所以我們都坐得很累....終於到了鬼怒川的溫泉酒店了! 鬼怒川的名字是因為旁邊那條河, 它的澎湃的河水聲就叫鬼哮的聲音, 因而其名....到了食晚餐的時間, 今晚可算豐富, 因為一個人會食唔曬面前的東西! 有魚生, 揚物, 豆腐煲, 魚煲, 生果, 前菜, 面鼓湯, 同白飯任裝....今餐搞笑的是原來Elsa姨唔食生野的XD.....佢將 d 吞拿魚放落個煲度 "6".......^^"哈哈.....今餐食得好飽.... 回房後, 原來一間房得 2 張床, 我地是但一個要同隔離的女仔 share 另一間...我唔係咁要過去, 所以 Elsa 姨就過了去訓....我看見一邊是櫂櫂米, 一邊是床, 感到很開心, 因為我終於能看到真正的 "榻榻米" 了! 以前都只是很電視/漫畫裡看見的.....這間溫泉酒店還算不錯啦....晚一點我和媽媽和Elsa姨三個去了浸溫泉, 本身我都是很害怕的, 害害羞羞的....不太敢除衫...之後想起 ricky 說閃閃縮縮仲多人望, 所以我就戰戰兢兢的除了帷, 飛快的進入溫泉區, 好彩入面好大霧, 我睇唔到人之餘, 人亦睇唔到我....一開始時無太多人去浸.....我慢慢的放鬆了心情, 略略的洗了身, 就和她們一起落池了, 水有點熱, 雖然熱的溫度和我平時洗澡時差不多, 但一次過的浸在 40 度的水裡就覺得熱了.....這個是真的溫泉, 我覺得很舒服, 我的肩膀有時會酸痛, 所以在這裡浸一浸感覺還不錯...嗯....嗯....! 我浸幾分鐘就抖下, 隔一陣又再浸過, 咁樣唔會咁易暈, 雖然一起身時已有點暈.....應該是我第一次浸不慣的關係.....之後, 我們拿拿聲的回了房間, 浸完溫泉係不用洗澡的, 因為會洗走身上面的 materials, 就無效的了! 媽媽很早的訓了覺, 因為我頭未乾同我未眼訓, then 我睇左一陣電視先訓, 日本的電視雖然不明白佢講緊咩野, 但係有時佢會有d subtitle, 又睇明少少, d人既表情又幾搞笑, 咁我睇完一陣就訓了, 我沒有關燈訓, 因為我驚, 訓了生寶床, 我感到不安, 一心想著 Darby 都係無咩效....一心又諗起 ricky 話有d monkey 會爬上樓入黎, 我就驚= = ricky又話可能第二朝會見到隻 monkey 坐o係度睇電視.....驚驚.......= =+ 2007年1月11日 終於早上了, 我地要 check out 了, 去第二度睇風景了! 我在門口影了幾張相又上車出發了....在車, 我發覺日本的天真的特別藍! 好過香港好多= = 香港空氣咁唔好, 梗係啦....悲哀.....其實我很喜歡蔚藍色的天空+墨綠色的樹, 真的好靚.....我們先去了東照宮, 沿途在車上看著, 原來昨晚已經下過雪了, 沒見過雪的我感到很高興! 心想快要看到真正的雪了...下了車, 空氣有點凍, 而我亦發覺無戴手套同有戴既分別, 真係差好遠....我的耳仔也感到彊硬和刺痛, 難怪聽說在雪山的人真的會凍到連耳仔都甩埋.....= = 我以前常常心諗有無咁誇張咁恐怖呀....原來係真的.....所以我都將帽戴得低一點.... ricky哥哥介紹東照宮有鳥居看, 他說常常有他的客仔以為在日本鳥居的意思是鳥居住的地方....其實我一早已知鳥居是在神社的門口....= = 好像是在金田一裡學識的.....我發覺漫畫其實都不是太壞和沒有用, 有時裡面所說的知識都非常有用呢.....=) 鳥居是"开" 字型的, 我心目中的鳥居是紅色的, 但原來只是灰色和沉色.....ricky 哥哥說鳥居是將人和神社的地方隔開的, 未進鳥居是人住的地方...我心想: 神社入面都是有人的 wor.....= = 原來這個東照宮是很靚的, 有很多的顏色亦很乾淨和新淨! 不似得中國的廟宇那麼舊....他們定期也會進行翻新的工程, 亦有很仔細的雕刻....真的看得我花多眼亂....之後, 我們進了一條長廊, 旁邊有很多的杉樹和點蠟燭的燈枱, 除了在漫畫和電視,卡通上看到燈枱外, 這是我第一次真正的看到日本的文化, 我感到很滿足.....或者有人會覺得這不是什麼大件事, 但對於我來說就算連燈枱這麼不起眼的東西在我的眼中都變成了這次旅行深刻的回憶, 令我大開眼界....!之後又看到了三猿的雕刻, 分別代表非禮勿視, 非禮勿聽, 非禮勿言....都很待別....然後我看到了一些紀念品, 上面有野豬的圖案, 日本人表達豬是會用野豬(有牙的那種)....這又令我想起了漫畫的某一個情節, 就是 "亂馬" 中神社的野豬和巫女....真的很有特色.... (con.) |
